«Эрхим хүмүүжүүлэгшэ-2023»

Улаан – Үдэ хотын хүүгэдэй сэсэрлигүүдэй буряад хэлэнэй багшанарай ба хүмүүжүүлэгшэдэй дунда «Эрхим хүмүүжүүлэгшэ» гэһэн конкурс түгэсэбэ. Май һарын 22-һоо 24 болотор, гурбан үдэрэй турша соо 7 сэсэрлигүүдэй түлөөлэгшэд олон шатануудые дабажа, эрхимүүдынь тодорбо.

Хүүгэдэй сэсэрлигтэ һүүлэй үеын һуралсалай шэнэ аргануудые хэрэглэжэ, буряад хэлэндээ хүүгэдые һургажа байһан эрхим багшанар ба хүмүүжүүлэгшэдые элирүүлхэ гэһэн зорилготой энэ 2-дохи мэргэжэлтэнэй хуралдаан үнгэрбэ. Эгээл эрхим, бэрхэ 4 сэсэрлигүүдэй түлөөлэгшэд: 139-дэхи «Чебурашка», 104-дэхи «Зорька»,33-дахи «Светлячок» ба 52-дохи «Ая ганга» сэсэрлигэй багшанар хотын конкурсын финалда ороо.

Манай сэсэрлигэй бэлэдхэлэй бүлгэмэй залуу хүмүүжүүлэгшэ Цыренова Баирма Николаевна «Монолингвальная речевая развивающая среда на бурятском языке» гэһэн проектдо 3-дахи жэлээ үхибүүдээрээ хабаадажа, дүй дүршэлтэй болоһоноо гэршэлжэ, конкурсын 3 -дахи һуури эзэлбэ
Иимэ үндэр сэгнэлтэдэ хүртэһэн Баирма Николаевнада үшөө саашаа, энэ хүнгэн бэшэ ажалдань, аргагүй ехэ амжалта , гэр бүлэдэнь зол жаргал коллективай зүгһөө үреэнэбди